Չհավատա՛ք նրանց, ովքեր ասում են, թե ընտրություններից հետո առողջության ապահովագրությունը չեղարկվելու է

«Չհավատա՛ք նրանց, ովքեր ասում են, թե ընտրություններից հետո առողջության ապահովագրությունը չեղարկվելու է։ Դա բացառված է»։ Այս թեմայով վարչապետ Փաշինյանը խոսել է  Սյունիքի մարզի Սիսիան քաղաքում «Քաղաքացիական պայմանագիր» կուսակցության նախընտրական քարոզչության շրջանակում քաղաքացիների հետ  հանդիպման ժամանակ։

Հիշեցնենք, որ Առողջապահության նախարար Անահիտ Ավանեսյանն էլ հավաստիացրել է, որ առողջության  համընդհանուր ապահովագրությունը ոչ միայն չի չեղարկվելու, այլ համակարգում շահառուների նոր խմբեր են ավելանալու։

«Մենք երկու տարվա ընթացքում մեր ողջ բնակչությանը կներառենք առողջության ապահովագրության համակարգում»,-նշել է Ավանեսյանը՝ տեղեկացնելով, որ, անկախ աշխատավարձի չափերից, գալիք տարվա հունվարի 1-ից ապահովագրությանը կմիանան բոլոր աշխատող քաղաքացիները։