Դատախազության միջամտությամբ դադարեցվել է Արարատի զբոսայգու տարածքում հողամասի կառուցապատման իրավունքը

Արարատի մարզի դատախազության ուսումնասիրությամբ պարզվել է, որ Արարատ համայնքի նախկին ղեկավարի որոշմամբ 2008 թվականին քաղաքային զբոսայգու տարածքում գտնվող 0,1280 հա հողամասը 99 տարի ժամկետով կառուցապատման իրավունքով տրամադրվել է ֆիզիկական անձի՝ օրենքի պահանջների խախտմամբ, այս մասին հայտնում է ՀՀ գլխավոր դատախազությունը։

Դատախազության միջնորդագրից հետո ձեռնարկված միջոցառումների արդյունքում 2026 թվականի հունիսի 18-ին դադարեցվել է նշված հողամասի նկատմամբ գրանցված կառուցապատման իրավունքը։ Հողամասի շուկայականին մոտարկված կադաստրային արժեքը կազմում է 2 մլն 403 հազար դրամ։