Դատախազությունը խախտումներ է հայտնաբերել «Արարատցեմենտ»-ում. ներկայացվել է հանցագործության մասին հաղորդում

ՀՀ գլխավոր դատախազությունը, պետական (համայնքային) շահերի պաշտպանության լիազորության շրջանակում, ուսումնասիրել է «Արարատցեմենտ» ՓԲ ընկերության կողմից իրականացվող հանքարդյունահանման գործընթացը և հայտնաբերել օրենսդրական մի շարք խախտումներ:

Ուսումնասիրության արդյունքում արձանագրվել են հետևյալ հիմնական խնդիրները.

•  «Արարատցեմենտ»-ը 2008 թվականից սկսած՝ տրավերտինի և կավի արդյունահանման նպատակով Լիազոր մարմնից ստացել է ընդերքօգտագործման թույլտվություն, որի կոորդինատներում ընդգրկվել են Արարատի մարզի համայնքներում գտնվող տարբեր նպատակային նշանակության հողամասեր:

•  Ըստ դատախազության՝ ընկերությունը, տարեկան վարձավճարները և գույքահարկի գծով պարտավորությունները չկատարելու նպատակով, խախտելով ՀՀ օրենսդրության պահանջները, իրականացրել է ապօրինի ընդերքօգտագործում:

Հայտնաբերելով առերևույթ հանցանքի հատկանիշներ՝ դատախազը 2026 թվականի հուլիսի 16-ին հաղորդում է ներկայացրել իրավասու քննչական մարմին՝ քրեաիրավական գնահատական տալու և հետագա ընթացքն ապահովելու համար: