Դավիթ Ղազինյանը ձերբակալվել է. ՀԿԿ

Պատգամավորի թեկնածու Դավիթ Ղազինյանը ձերբակալվել է ընտրակաշառք տալու նախապատրաստության մեղադրանքով։ Այս մասին ԶԼՄ–ների հայտնել են ՀՀ հակակոռուպցիոն կոմիտեից։

Հիշեցնենք, որ ավելի վաղ Կենտրոնական ընտրական հանձնաժողովը (ԿԸՀ) բավարարել էր ՀՀ գլխավոր դատախազության կողմից ներկայացված միջնորդությունը՝ Դավիթ Ղազինյանին անձեռնմխելիությունից զրկելու և նրա նկատմամբ քրեական հետապնդում հարուցելուն համաձայնություն տալու վերաբերյալ:

Ըստ քրեական վարույթի տվյալների՝ Հակակոռուպցիոն կոմիտեի ծառայողների իրականացրած օպերատիվ-հետախուզական միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Երևանի Արաբկիր վարչական շրջանի գրասենյակի պատասխանատուները, ինչպես նաև նույն կուսակցության ընտրական ցուցակում որպես պատգամավորի թեկնածու գրանցված Դ. Ղազինյանը, համակիրների և նրանց հետ համագործակցող մի խումբ անձանց հետ նախնական համաձայնությամբ, ընտրողներին խոստացել և տվել են ընտրակաշառք:

Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, իրականացվում է նախաքննություն։