Դավիթ Խուդաթյանը Բրյուսելում հանդիպել է ԵՄ ընդլայնման հարցերով հանձնակատար Մարթա Կոսին

ՀՀ տարածքային կառավարման եվ ենթակառուցվածքների նախարար Դավիթ Խուդաթյանն այսօր Բրյուսելում հանդիպում է ունեցել Եվրոպական միության ընդլայնման հարցերով հանձնակատար Մարթա Կոսի հետ։ Այս մասին տեղեկացնում է ՏԿԵ նախարարությունը։

Հանդիպման ընթացքում կողմերը քննարկել են տրանսպորտային եվ էներգետիկ ոլորտներում իրականացվող ընթացիկ ծրագրերը, ինչպես նաև երկուստեք հետաքրքրություն ներկայացնող այլ հարցեր։

Մարթա Կոսը շնորհավորել է Դավիթ Խուդաթյանին Ազգային ժողովի ընտրություններում տարած համոզիչ հաղթանակի կապակցությամբ եվ վերահաստատել, որ ԵՄ աջակցությունը Հայաստանին լինելու է շարունակական:

Նախարար Խուդաթյանը բարձր է գնահատել Հայաստանի բարեփոխումների եվ զարգացման օրակարգին ԵՄ-ի ցուցաբերած շարունակական հենքը՝ հատուկ ընդգծելով երկկողմ գործընկերության նոր դինամիկան, հատկապես՝ կապակցվածության ոլորտում։

«Հայաստանը պատրաստակամ է է՛լ ավելի խորացնելու համագործակցությունը տրանսպորտային, էներգետիկ եվ թվային կապակցվածության ոլորտներում, ինչպես նաև իրականացնելու կապակցվածության ներառական ծրագրեր»,- նշել է գերատեսչության ղեկավարը։