ԵԱՀԿ Խորհրդարանական վեհաժողովիշուրջ 100 պատգամավոր և աշխատակից կժամանեն Հայաստան

ԵԱՀԿ Խորհրդարանական վեհաժողովի (ԵԱՀԿ ԽՎ) շուրջ 100 պատգամավոր և աշխատակից ավելի քան 30 երկրից Հայաստան կժամանեն՝ դիտարկելու հունիսի 7-ին կայանալիք խորհրդարանական ընտրությունները։ Այս մասին հայտնում է «Արմենպրեսս» -ը։

ԵԱՀԿ ԽՎ դիտորդները կաշխատեն ԵԱՀԿ/ԺՀՄԻԳ-ի  դիտորդական  առաքելության հետ, որը ղեկավարում է Յանեզ Լենարչիչը, ինչպես նաև Եվրոպայի խորհրդի խորհրդարանական վեհաժողովի և Եվրոպական խորհրդարանի դիտորդական պատվիրակությունների հետ։

Ընտրություններից առաջ դիտորդները հանդիպումներ կունենան պետական մարմինների, Կենտրոնական ընտրական հանձնաժողովի, քաղաքական կուսակցությունների և դաշինքների, քաղաքացիական հասարակության, լրատվամիջոցների ու անկախ փորձագետների ներկայացուցիչների հետ։ Այնուհետև նրանք կայցելեն Հայաստանի տարբեր մարզեր՝ ընտրական գործընթացի գնահատման նպատակով։

Դիտորդական առաքելությունների նախնական եզրակացությունները կներկայացվեն ընտրություններից հետո կայանալիք համատեղ մամուլի ասուլիսում։