Էդուարդ Սպերցյանը մեջքի վնասվածք է ստացել

Հայաստանի ազգային հավաքականի և ​«Կրասնոդարի» ավագ Էդուարդ Սպերցյանը մեջքի վնասվածք է ստացել, ինչն էլ դարձել է Մոսկվայի «Դինամոյի» դեմ խաղում նրա փոխարինման պատճառը։ 

Սպերցյանը փոխարինվել է հանդիպման 83-րդ րոպեին՝ մինչ այդ հասցնելով դառնալ պատմական գոլային փոխանցման հեղինակ։

«Էդիկը մեջքի հետ կապված խնդիրներ ունի: Նա հերոսական բնավորություն դրսևորեց այս խաղում»,-ասել է թիմի մարզիչը:

Հարկ է նշել, որ ընդհանուր առմամբ, ընթացիկ մրցաշրջանում անցկացրած 40 հանդիպումներում «Կրասնոդարի» կիսապաշտպանը խփել է 13 գոլ և կատարել 18 արդյունավետ փոխանցում։