Ըմբշամարտիկ Գասպար Տերտերյանը հաղթել է Ադրբեջանի մասնակցին

Ըմբշամարտիկ Գասպար Տերտերյանը գերլարված գոտեմարտում հաղթել է Ադրբեջանի ներկայացուցչին:Այս մասին տեղեկանում ենք armsport.am կայքից։

Ալբանիայում ընթացող ըմբշամարտի Եվրոպայի առաջնությունում Հայաստանի հավաքականի ներկայացուցիչ, 72 կգ քաշային Գասպար Տերտերյանը շարունակում է տպավորիչ մրցելույթները՝ նվաճելով կիսաեզրափակչի ուղեգիր։Մեր մարզիկը լարված պայքարում ուժերն է չափել Ադրբեջանը ներկայացնող Ռուսլան Նուռուլաևի հետ։ Գոտեմարտն ավարտվել է 1-1 հաշվով, սակայն որոշիչ է դարձել վերջին միավորի կանոնը, ինչի շնորհիվ հաղթանակը շնորհվել է հայ մարզիկին: