Ընդդիմադիր ուժերը փողոցային պայքար սկսելու քաղաքական ներուժ չունեն․ ՔՊ  խմբակցության քարտուղար Արթուր Հովհաննիսյան

Խորհրդարանական ճեպազրույցների ժամանակ ՔՊ  խմբակցության քարտուղար Արթուր Հովհաննիսյանը կարծիք է հայտնել, որ ընդդիմադիր ուժերը փողոցային պայքար սկսելու քաղաքական ներուժ չունեն։

ՔՊ խմբակցության քարտուղարի պնդմամբ՝ ընդդիմադիր ուժերի օրակարգը Հայաստանի քաղաքացիներին չի կարող համախմբել փողոցային պայքարի շուրջ։

«Ինչի՞ կողքը պետք է կանգնի մարդը։ Հայաստանի Հանրապետությունը պատերազմի մեջ ներքաշելու օրակարգի կողքը պիտի կանգնե՞ն Հայաստանի Հանրապետության քաղաքացիները։ Կարծում եմ, որ նրանք որևէ ներուժ չունեն, բովանդակության մասին խոսել չենք կարող»,-նշել է Հովհաննիսյանը։