Ընդունվել է ՀՀ համայնքների ենթակառուցվածքների զարգացմանն ուղղված սուբվենցիոն ծրագրերը 1 մլրդ 59 մլն դրամով համաֆինանսավորելու վերաբերյալ նախագիծը

 Կառավարությունն այսօրվա նիստում ընդունեց ՀՀ համայնքների ենթակառուցվածքների զարգացմանն ուղղված սուբվենցիոն ծրագրերը 1 մլրդ 59 մլն դրամով համաֆինանսավորելու վերաբերյալ նախագիծը:

«Նախագծով առաջարկվում է համաֆինանսավորել ընդհանուր թվով 14 համայնքի 20 սուբվենցիոն ծրագրեր, որոնցից Արագածոտնի մարզում՝ 1 ծրագիր, Արարատի մարզում՝ 3 ծրագիր, Արմավիրի մարզում՝ 8, Գեղարքունիքի մարզում՝ 1, Կոտայքի մարզում՝ 1, Շիրակի մարզում՝ 2, Սյունիքի մարզում՝ 1 ծրագիր, Տավուշի մարզում՝ 3 ծրագիր»,- ասաց ՏԿԵ նախարար Դավիթ Խուդաթյանը: 

Նախարարի խոսքով՝ այս որոշման ընդունումից հետո 2026 թվականի պետբյուջեից համայնքներին կհատկացվի ավելի քան 4 մլրդ 117 մլրդ դրամ՝ որպես պետական համաֆինանսավորում։ 

Վարչապետ Փաշինյանն էլ նշեց, որ ֆինանսավորումը ուղղվելու է գազատարի կառուցմանը, ճանապարհների վերանորոգմանը, մշակույթի տների վերանորոգմանը, խմելու ջրամատակարարման նոր համակարգերի կառուցմանը, ջրագծերի փոխարինմանը, լուսավորության ցանցերի կառուցմանը և այլ նպատակների համար։