Ընտրական գործընթացի վերաբերյալ ստացվել է 599 հաղորդում․ Դատախազություն

ՀՀ գլխավոր դատախազությունը հայտնում է, որ Ազգային ժողովի հերթական ընտրությունների գործընթացի մեկնարկից՝ 2026 թվականի փետրվարի 7-ից մինչև հունիսի 7-ը՝ ժամը 24:00-ն, նախաքննություն իրականացնող մարմիններում ստացվել է ընտրական գործընթացին խոչընդոտող առերևույթ հանցանքների վերաբերյալ 599 հաղորդում, հայտնում է ՀՀ Գլխավոր դատախազություն։

Դրանցից 210-ով նախաձեռնվել է քրեական վարույթ, իսկ 349 անձի նկատմամբ հարուցվել է հանրային քրեական հետապնդում։ 14 քրեական վարույթ՝ 42 անձի վերաբերյալ, հաստատված մեղադրական եզրակացությամբ ուղարկվել է դատարան։

Դատախազության տվյալներով՝ պատգամավորի 13 թեկնածուների վերաբերյալ ԿԸՀ են ներկայացվել քրեական հետապնդում հարուցելու և ազատությունից զրկելու համաձայնություն ստանալու միջնորդություններ, որոնցից 12-ը բավարարվել են, իսկ մեկի վերաբերյալ հարցը դեռ քննարկման փուլում է։ Ձերբակալվել է նաև պատգամավորի թեկնածու Վ.Ե.-ն։

Նշվում է նաև, որ azdararir.am հարթակի միջոցով ստացվել է 16 անանուն հաղորդում։