ՀՀ հակակոռուպցիոն կոմիտեի ծառայողների կողմից իրականացված ծավալուն միջոցառումների արդյունքում փաստական տվյալներ են ստացվել «Բարգավաճ Հայաստան» կուսակցության ներկայացուցչի կողմից ընտրակաշառք տալու բազմաթիվ դեպքերի վերաբերյալ։

Ըստ իրավապահների՝ կաշառքը և որպես ընտրակաշառք այլ ծառայությունների մատուցումը կատարվել են Ազգային ժողովի ընտրություններին հիշյալ կուսակցության օգտին քվեարկելու պայմանով։

Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, որի շրջանակներում արդեն իսկ իրականացվել են հետևյալ գործողությունները.

• Օրենքով սահմանված կարգով ձերբակալվել են մի շարք անձինք։

•  Կատարվել են լայնածավալ խուզարկություններ և վարութային այլ գործողություններ՝ դեպքի բոլոր հանգամանքները պարզելու համար։