Ընտրակաշառքի գործով խուզարկություններ են արվում Գյումրիում. Հակակոռուպցիոնի պարզաբանումը

Շուրջ երկու ժամ անց՝ Հակակոռուպցիոն կոմիտեից արձագանքել են Armpulse-ին։

Կառույցի խոսնակ Մարինա Օհանջանյանը մեզ հայտնեց, որ «Հայաստան» դաշինքի համակիրների կողմից ընտրակաշառք տալու, ստանալու դեպքերի առթիվ նախաձեռնված քրեական վարույթի շրջանակում խուզարկություններ են իրականացվում։

Այս պահին Կոմիտեն այլ մանրամասներ չի հաղորդում։

Ավելի վաղ տեղեկացրել էինք, որ, ըստ մամուլում շրջանառվող լուրերի, «Մայր Հայաստան» խմբակցության ղեկավար Կարեն Սիմոնյանի տանը խուզարկություն է իրականացվում։ Քննչական կոմիտեից մեզ հորդորել էին հարցի վերաբերյալ կապ հաստատել Հակակոռուպցիոն կոմիտեի հետ։