Երեք նախարարություն կանվանափոխվի. Սրբուհի Գալյան

Հայաստանի Հանրապետության Ազգային ժողովը քննարկում է «Կառավարության կառուցվածքի և գործունեության մասին» օրենքում փոփոխություններ կատարելու մասին օրենքների նախագծերի փաթեթը։ ՀՀ արդարադատության նախարար Սրբուհի Գալյանը ԱԺ-ում հայտարարեց, որ փաթեթով առաջարկվում է անվանափոխել երեք նախարարություն և վերանայել դրանց գործառույթները։

«Նպատակն է արդիականացնել պետական կառավարման համակարգը՝ այն համապատասխանեցնելով Կառավարության կողմից իրականացվող պետական քաղաքականությանը և Հայաստանի զարգացման առաջնահերթություններին»,-ասաց նա։

Առաջարկվում է Բարձր տեխնոլոգիական արդյունաբերության նախարարությունը վերանվանել Բարձր տեխնոլոգիական արդյունաբերության և արհեստական բանականության նախարարություն, Աշխատանքի և սոցիալական հարցերի նախարարությունը վերանվանել Աշխատանքի և բարեկեցության նախարարություն և Արտաքին գործերի նախարարությունը վերանվանել Արտաքին գործերի և միջազգային առևտրի նախարարություն։