Երևանի համար հաստատվել է 650 մլն դոլարի ներդրումային փաթեթ. Տիգրան Ավինյան

ՀՀ վարչապետի գլխավորությամբ կայացած նիստի ընթացքում հաստատվել են մայրաքաղաքի համար ռազմավարական նշանակություն ունեցող երեք խոշոր ծրագրեր։ Այս մասին տեղեկացնում է Երևանի քաղաքապետ Տիգրան Ավինյանը։

Նրա փոխանցմամբ՝ Երևանի համար հաստատված ներդրումային փաթեթի ընդհանուր արժեքը կազմում է 650 մլն ԱՄՆ դոլար։

•  Ծրագիրն անցնում է գործնական փուլ։ Քաղաքապետի խոսքով՝ դիմելու են միջազգային գործընկերներին, ստանալու են առաջարկները և ընտրելու են այն գործընկերոջը, որի հետ հնարավոր կլինի ամենաարագը մեկնարկել ծրագրի իրականացման մրցութային գործընթացը։

• Նախատեսվում է շարժակազմի ավելացում, ինչպես նաև ռելսերի, վագոնների և համակարգի հիմնական ենթակառուցվածքների փոխարինում ու թարմացում։

•  Այս ծրագրով նախատեսվում է ավարտին հասցնել վերգետնյա հասարակական տրանսպորտում մեկնարկած լայնածավալ բարեփոխումները։

«Շնորհակալություն Կառավարությանը՝ այս կարևորագույն ներդրումային փաթեթով Երևանին ցուցաբերվող նշանակալի աջակցության համար»,- նշել է Տիգրան Ավինյանը։