Ես երբեք չեմ խուսափել ճանաչումից. Նեթանյահուն՝ Հայոց ցեղաuպանության ճանաչման նախագծի մասին

Իսրայելի վարչապետ Բենիամին Նեթանյահուն հայտարարել է, որ աջակցում է երկրի արտգործնախարար Գիդեոն Սաարի՝ Հայոց ցեղասպանությունը ճանաչելու նախաձեռնությանը, հաղորդում է ՏԱՍՍ-ը։

«Ես երբեք չեմ խուսափել ճանաչումից և միանշանակ աջակցում եմ դրան»,-ասել է նա։

Ավելի վաղ Սաարը հայտնել էր, որ մտադիր է Իսրայելի կառավարության հաստատմանը ներկայացնել Հայոց ցեղասպանության ճանաչման վերաբերյալ բանաձևի նախագիծը։ Նրա խոսքով՝ դրանից հետո բանաձևը կներկայացվի խորհրդարանի քվեարկությանը։