Եվրոպական քաղաքական համայնքի 8-րդ գագաթնաժողովում Կանադայի վարչապետը կարևորել է տարածաշրջանային խաղաղությունը

Կանադայի վարչապետ Մարկ Քարնին Եվրոպական քաղաքական համայնքի 8-րդ գագաթնաժողովում իր ելույթում անդրադարձել է Հայաստանի հետ համագործակցությանը, տարածաշրջանային խաղաղությանը:

«Ողջունում եմ Հայաստանի և Ադրբեջանի միջև խաղաղության հաստատման գործում ձեռք բերված առաջընթացը և ողջունում եմ նախագահ Ալիևի ներկայությունը»,- նշել է նա։  

Կանադայի վարչապետը խոսել է Կանադա, Եվրոպա, Հայաստան կապի մասին և ասել է, որ Կանադան առաջին ոչ եվրոպական երկիրն է, որը միացել է այս ձևաչափին, քանի որ իրենք  ոչ եվրոպական երկրներից ամենաեվրոպականն են:

Նրա խոսքով՝ այդ կապերն արտահայտվում են նաև Կանադայում ապրող հայ համայնքի միջոցով։

Քարնին ընդգծել է Հայաստանի հետ համագործակցությունը նաև միջազգային առաքելությունների շրջանակում։ 

«Մենք ունենք դեր որպես Հայաստանում Եվրոպական առաքելության միակ ոչ եվրոպական մասնակից»,-ասել է նա։