Ֆիդանը հայտարարել է, որ Թուրքիան պատրաստ է միջնորդել ուկրաինական հակամարտության հարցում

Թուրքիայի արտաքին գործերի նախարար Հաքան Ֆիդանը հայտարարել է, որ իր երկիրը պատրաստ է միջնորդել ուկրաինական հակամարտության հարցում կամ հարթակ տրամադրել բանակցությունների համար։ Նա այս հայտարարությունն արել է Ռուսաստանի արտաքին գործերի նախարար Սերգեյ Լավրովի հետ բանակցությունների ժամանակ։ Այս մասին տեղեկանում ենք ռուսական«ՌԲԿ»-ից։

«Իմ բացման խոսքում ես կցանկանայի անդրադառնալ ուկրաինական հակամարտությանը։ Ես կցանկանայի կրկնել, որ մեր երկիրը՝ Թուրքիան, պատրաստ է անել ամեն ինչ, ինչ իրենից կախված է։ Մենք պատրաստ ենք հանդես գալ որպես միջնորդ կամ հարթակ տրամադրել միջնորդի համար՝ այս պատերազմը դադարեցնելու համար», - ասել է Ֆիդանը։

Ֆիդանը հավելել է, որ անկայունացումը և սրացումը կարող են հանգեցնել հակամարտության հետագա սրացման, ուստի պետք է անել ամեն ինչ այն դադարեցնելու համար։