Ֆուտբոլի 1958 թ․ աշխարհի առաջնությունում Պելեի կրած մարզաշապիկը վաճառվել է 4.9 միլիոն դոլարով

Ֆուտբոլի 1958 թվականի աշխարհի առաջնության ժամանակ լեգենդար Պելեի հագած մարզաշապիկը վաճառվել է ռեկորդային գնով՝ 4.9 միլիոն դոլարով։ Այս մասին հայտնել է ֆուտբոլային ինսայդեր Ֆաբրիցիո Ռոմանոն։

Նշվում է, որ Բրազիլիայի ազգային հավաքականի լեգենդար ֆուտբոլիստն այդ մարզաշապիկը կրել է 17 տարեկանում՝ մասնակցելով 1958 թվականի ֆուտբոլի աշխարհի առաջնությանը։Հաղորդվում է, որ այդ մարզաշապիկը դարձել է Պելեին պատկանած և երբևէ վաճառված ամենաարժեքավոր իրը։