Ֆրանսիական ընկերությունները կառուցելու են Սյունիքի ռազմավարական նշանակության Բարգուշատի թունելը

Հայաստանի կառավարությունը և ֆրանսիական հայտնի «Vinci» ու «Razel-Bec» ընկերությունները ստորագրել են փոխըմբռնման հուշագիր՝ Սյունիքի մարզում ռազմավարական կարևոր նշանակություն ունեցող Բարգուշատի թունելի կառուցման վերաբերյալ։ Այս մասին հայտնում է Հայաստանում Ֆրանսիայի դեսպանությունը։

Ծրագիրը կրում է բացառիկ ռազմավարական նշանակություն, քանի որ ապագա թունելն առավել ամուր կերպով կկապի Սյունիքի մարզը Հայաստանի մնացած տարածքներին:

Թունելի մուտքի հատվածը նախատեսված է կառուցել Սյունիքի Շենաթաղ գյուղում։

Ֆրանսիական դիվանագիտական առաքելությունը նաև լուսանկարներ է հրապարակել Շենաթաղ գյուղից, որտեղ տեղում ծանոթացել են ապագա թունելի մուտքի հատվածի տեղանքին և նախագծի մանրամասներին։