Գերմանիան 16 ձյունագնաց է տրամադրել Հայաստանի զինված ուժերին. դրանք կկիրառվեն բարձրլեռնային գոտիներում

Գերմանիայի Դաշնային Հանրապետությունից Հայաստանի Հանրապետության զինված ուժերին տրամադրված 16 միավոր ձյունագնաց մեքենաները կիրառվելու են բարձրլեռնային պայմաններում ծառայության արդյունավետությունը բարձրացնելու նպատակո, հայտնում են ՀՀ Պ–ից։

Տեխնիկական վերազինման այս քայլն ուղղված է բարդ կլիմայական պայմաններում հայկական բանակի ստորաբաժանումների շարժունակության ապահովմանը:

Ձյունագնացները նախատեսված են բարձրլեռնային և դժվարանցանելի գոտիներում հետևյալ խնդիրների իրականացման համար.

• Անձնակազմի տեղափոխում. Ձմեռային պայմաններում դիրքերի հերթափոխի և զինծառայողների անվտանգ տեղաշարժի կազմակերպում։

• Լոգիստիկ աջակցություն. Փոքրածավալ և թեթև բեռների, այդ թվում՝ անհրաժեշտ սպառազինության, սննդի և առաջին անհրաժեշտության պարագաների արագ փոխադրում առաջնագծի բարձրլեռնային հենակետեր։