Ղարաբաղյան կլանի թալանչիներ, դուք կապ չեք ունեցել և չունեք ո´չ ղարաբաղցու, ո´չ հայաստանաբնակ քաղաքացու իրական հոգսի հետ.Անահիտ Ավանեսյան

«Ղարաբաղյան կլանի թալանչիներ, դուք կապ չեք ունեցել և չունեք ո´չ ղարաբաղցու, ո´չ հայաստանաբնակ քաղաքացու իրական հոգսի հետ: Հերի´ք է ուրիշի երեխաների հաշվին ձեզ համար կապիտալ կուտակեք: Չի´ ստացվելու: Սադրիչ ուղարկելն էլ, հատկապես կնոջ տեսքով, մեղմ ասած սիրուն չի»: Այսպես է դիմել ընդդիմադիրներին ՀՀ  Առողջապահության նախարար Անահիտ Ավանեսյանը: 

Անահիտ Ավանեսյանն անդրադարձել է այսօրվա միջադեպին, երբ մի կին մոտեցել էր Նիկոլ  Փաշինյանին և իր խոսքով՝ փորձել էր սադրել:

«Պատերազմի ժամանակ, երբ ամուսինս ու եղբայրներս Ղարաբաղում էին, ամեն օր զանգում և ասում էին, որ Քոչարյանի մարդիկ քայլում են և ասում են, որ մարդիկ վերադառնան և չկռվեն: Եթե այդքան մտածում էիք Ղարաբաղի մասին, ինչի՞ էիք մարդկանց հոդորում չկռվել և վերադառնալ Հայաստան: Այսօր այդ կլանի ներկայացուցիչները չեն մարսում այն, որ այլևս Հայաստանից եկող փողեր չկան, որպեսզի իրենք լափեն:

Դուք չեք կարողանալու վնասել Հայաստանի խաղաղությանը»,- ասել է Անահիտ Ավանեսյանը: