Ղրղզստանում ռուսական լրատվամիջոցների հետ ճեպազրույցի ժամանակ Փաշինյանը խոսել է ռուսական կողմից արված սահմանափակումների մասին

Ղրղզստանում ռուսական լրատվամիջոցների հետ ճեպազրույցի ժամանակ՝ Հայաստանի վարչապետ Նիկոլ Փաշինյանը հայտարարել է, որ Հայաստանի կառավարությունը վարում է դիվերսիֆիկացիայի և Հայաստանի համար այլընտրանքներ ձևավորելու արտաքին քաղաքականություն, ինչը յուրաքանչյուր երկրի սուվերեն և լեգիտիմ իրավունքն է։

Հարցին ի պատասխան, թե իր համար կարևո՞ր է, որ Հայաստանը շարունակի մնալ Եվրասիական տնտեսական միության անդամ, Փաշինյանը պատասխանել է․

«Ես կարծում եմ, որ այս պահին ԵԱՏՄ-ի համար լավագույն դիրքավորումը կլինի ոչ էթե այս գործընթացի տորպեդահարումը, այլ հակառակը՝ աշխատելը, որպեսզի բարձրանա ԵԱՏՄ-ի մրցունակությունն ու գրավչությունը։ Ես կարծում եմ, որ սա ճիշտ մոտեցում է, և ես արդեն ասել եմ, որ Հայաստանը պատրաստ է աշխատել այդ ուղղությամբ» ։

Փաշինյանը խոսել է նաև ռուսական կողմից արված սահմանափակումների մասին և ասել է, որ այս հանգամանքը Հայսատանի հանրության կողմից նեգատիվ ընկալում է ստեղծում ԵԱՏՄ-ի նկատմամբ։

Իսկ հարցին, թե արդյո"ք հայկականն կողմը համեմատել է հայկական ապրանքների իրացման հեռանկարները ԵԱՏՄ-ում և ԵՄ-ում, վարչապետ Փաշինյանը պատասխանել է, որ ցանկացած երկիր նպատակ ունի բարձրացնել իր արտադրանքի որակը, և հետևաբար մրցունակությունը։ Նա ասել է, որ հայկական կողմն այդ ուղղությամբ աշխատում է, աշխատում են բոլոր գործընկերները ԵԱՏՄ-ում և բոլոր մնացած տեղերում։