Հանրապետության որոշ տարածքներում սպասվում է ձյուն

ՀՀ  "Հիդրոօդերևութաբանության և մոնիթորինգի կենտրոն" –ից հայտնում են, որ ապրիլի 9-10 սպասվում են տեղումներ հանրապետության ողջ տարածքում։

"Ուշադրություն Հյուսիս-արևմուտքից ցուրտ ճակատի ներխուժմամբ պայմանավորված ապրիլի 9-10-ին ողջ հանրապետությունում սպասվում են տեղումներ, Շիրակում, Գեղարքունիքում, Լոռիում, Տավուշի նախալեռներում, Կոտայքի, Արագածոտնի և Վայոց ձորի լեռնային շրջաններում ձյան տեսքով։ Այդ օրերին նշված հատվածներում կանխատեսվում է ձյան ծածկի ավելացում 20-50սմ-ով, սպասվում է նաև բուք, ցածր հորիզոնական տեսանելիություն, ճանապարհներին մերկասառույց։ Ապրիլի 8-ի ցերեկը, 9-10-ին առանձին շրջաններում սպասվում քամու ուժգնացում՝ 24-27մ/վ արագությամբ։",– ասվում է հայտարարության մեջ։