Հայ շախմատիստը դարձել է սահմանափակ հնարավորություններով անձանց աշխարհի փոխչեմպիոն

Հայաստանը ներկայացնող ՖԻԴԵ-ի վարպետ Սարգիս Սարգսյանը դարձել է սահմանափակ հնարավորություններով անձանց շախմատի աշխարհի առաջնության արծաթե մեդալակիր, հայտնում է Հայաստանի շախմատի ֆեդերացիան:

 

Վերջինս 9 հնարավորից վաստակել է 7,5 միավոր՝ առաջին տեղը կիսելով լեհ Մարցին Մոլենդայի հետ: Հայ շախմատիստը երկրորդն է դարձել լրացուցիչ ցուցանիշներով։

Անցկացրած ինը տուրերում Սարգիսը տարել է 6 հաղթանակ և 3 խաղ ավարտել է ոչ-ոքի՝ ամբողջ մրցաշարն անցնելով առանց պարտությունների: