Հայ ծանրորդը դարձել է արծաթե մեդալակիր

Վրաստանի Բաթումի  քաղաքում ընթացող Եվրոպայի 2026 թվականի մեծահասակների առաջնությանը Հայաստանի ծանրամարտի հավաքականը նվաճել է  առաջին մեդալը :

Տղամարդկանց 60 կգ քաշային կարգում Հայաստանի հավաքականի անդամ Գառնիկ Չոլաքյանը պոկում վարժության երկու հաջող մոտեցմամբ բարձրացրել է 120 կգ ու 124 կգ: Պոկում վարժությունում Չոլաքյանը դարձել է արծաթե մեդալակիր: Հրում վարժությունում հայ ծանրորդը բարձրացրել է 145 կգ ու 150 կգ: Այս վարժությունում նա նվաճել է բրոնզե մեդալ: Երկամարտի  274 կգ արդյունքով` Գառնիկ Չոլաքյանը Եվրոպայի առաջնության փոխչեմպիոն է: