«Հայաստան» դաշինքը վաղը չի մասնակցի Ազգային ժողովի նիստին։ Այս մասին հայտնել է խմբակցության ղեկավար Աննա Գրիգորյանը։

«Վաղը առավոտյան կգանք նիստի շարունակությունը կապահովենք, հաշվի առնելով, որ ընդդիմության թեկնածուի քննարկման մասին է այն, այնուհետև կգնանք դատավարությանը մասնակցելու»,- նշել է Գրիգորյանը։

Ավելի վաղ հայտնել էինք, որ ընդդիմադիր «Ուժեղ Հայաստան» խմբակցությունը  որոշել է չմասնակցել վաղվա նիստին։ Խմբակցության անդամները նախատեսում են այդ ընթացքում գտնվել Էջմիածնի դատարանի մոտ, որտեղ կայանալու է Վեհափառի գործով դատական նիստը։

Հիշեցնենք, որ վաղը՝ ժամը 16:00-ին, կմեկնարկի Ամենայն հայոց կաթողիկոսի և Գերագույն հոգևոր խորհրդի վեց անդամ եպիսկոպոսների վերաբերյալ քրեական գործի նախնական դատալսումների առաջին նիստը։