Հայաստան-ԵՄ օրակարգ. քննարկվել են եվրոպական շուկայի հասանելիության ընդլայնման և տարածաշրջանային կապերի հարցերը

Հայաստանի և Եվրոպական միության միջև ընթացող բանակցությունների շրջանակներում առանձնահատուկ ընդգծվել է տնտեսական համագործակցության ընդլայնման և երկկողմ առևտրաշրջանառության ծավալների ավելացման անհրաժեշտությունը, հայտնում են ՀՀ ԱԳՆ–ից։

Կողմերը մտքեր են փոխանակել նաև Հայաստան–Եվրոպական միություն գործընկերության օրակարգի շուրջ՝ անդրադառնալով հետևյալ առանցքային ուղղություններին.

• Հայաստանի համար եվրոպական շուկայի հասանելիության ընդլայնմանն ուղղված գործնական քայլերի մշակում,

• Տարածաշրջանային փոխկապակցվածության զարգացմանն ուղղված համատեղ նախաձեռնություններ,

• Այս համատեքստում արձանագրված վերջին զարգացումների և հեռանկարների գնահատում։

Հանդիպման ընթացքում երկուստեք կարևորվել է տնտեսական կապերի խորացումը, ինչը թույլ կտա լիարժեքորեն օգտագործել առկա ներուժը և նոր մակարդակի բարձրացնել երկկողմ գործընկերությունը։