Հայաստան–Ռումինիա․ շեշտվել է աղետների ռիսկի կառավարման ոլորտում փորձի փոխանակումը

Փրկարար ծառայության տնօրեն-ՆԳ նախարարի տեղակալ Արամ Ղազարյանը հունիսի 12-ին ընդունել է Հայաստանում Ռումինիայի արտակարգ և լիազոր դեսպան Կորնել Իոնեսկուին, այս մասին հայտնում է ՀՀ ՆԳՆ—ն։

Կողմերը բարձր են գնահատել Հայաստանի և Ռումինիայի միջև ձևավորված բարեկամական հարաբերությունները՝ ընդգծելով համագործակցության զարգացման կարևորությունը քաղաքացիական պաշտպանության, աղետների ռիսկի կառավարման և արտակարգ իրավիճակների ոլորտներում։

Հանդիպման ընթացքում Արամ Ղազարյանը ներկայացրել է Փրկարար ծառայությունում իրականացվող բարեփոխումները, որոնք ուղղված են քաղաքացիական պաշտպանության համակարգի արդիականացմանը, կարողությունների զարգացմանը և միջազգային չափանիշներին համապատասխանեցմանը։

Կողմերը կարևորել են նաև փորձի փոխանակման և համագործակցության խորացման անհրաժեշտությունը աղետների ռիսկի կառավարման ոլորտում։