Հայաստանը և Ղազախստանը հողատարածքներ կտրամադրեն միմյանց դեսպանատների կառուցման համար

ՀՀ խորհրդարանը հուլիսի 3-ի նիստում վավերացրել է Ղազախստանի հետ համաձայնագիրը, որով երկու երկրների դիվանագիտական առաքելությունների կառուցման համար կտրամադրվեն հողատարածքներ։

 Երևանն Իսակովի պողոտայում 0,33 հա տարածք կհատկացնի Ղազախստանի դեսպանատանը, իսկ Աստանան նույն մակերեսով հողատարածք կտրամադրի Հայաստանի դեսպանատան համար։

Վարձակալությունն իրականացվելու է խորհրդանշական տարեկան վճարով՝ Երևանում՝ 1 դրամ, Աստանայում՝ 1 թենգե։