Հայաստանը շարունակում է մնալ ՀԱՊԿ լիիրավ անդամ. Լավրով

Ռուսաստանի արտաքին գործերի նախարար Սերգեյ Լավրովը հայտարարել է, որ Հայաստանը շարունակում է ձևականորեն մնալ Հավաքական անվտանգության պայմանագրի կազմակերպության (ՀԱՊԿ) լիիրավ անդամ, հայտնում են ռուսական ԶԼՄ-ները։

Այս մասին նա ասել է ՀԱՊԿ արտաքին գործերի նախարարների խորհրդի նիստի արդյունքներով կայացած մամուլի ասուլիսի ժամանակ։

«Հայաստանը կրկին չի մասնակցել ՀԱՊԿ-ի միջոցառումներին, սակայն այն շարունակում է մնալ կազմակերպության լիիրավ անդամ: Հայաստանի պետական դրոշն այստեղ ներկայացված է մյուս անդամ երկրների դրոշների կողքին»,– ընդգծել է Ռուսաստանի դիվանագիտության ղեկավարը: