Հայաստանի շնորհապետական  կուսակցությունն իր քարոզարշավը մեկնարկել է Գյումրի քաղաքից

Հայաստանի շնորհապետական  կուսակցությունն իր քարոզարշավը մեկնարկել է Գյումրի քաղաքից: Շրջելով քաղաքում, լինելով տարբեր վայրերում, կուսակցության անդամները հանդիպել են գյումրեցիների հետ և ծանոթացրել իրենց նախընտրական ծրագրին:

«Մեկնարկը սկսել ենք Գյումրիից և ես շատ ուրախ եմ դրա համար, քանի որ Գյումրին տոկունության խորհրդանիշ ունի: Երկրաշարժից հետո այս քաղաքը նորից կամք գտավ ոտքի կանգնելու: Հետևաբար, մեր ուժի համար էլ կարծում եմ խորհրդանշական է Գյումրիից քարոզարշավ սկսելը: Ես կարծում եմ, որ մեր ժողովուրդը  պետք է գնա փոփոխությունների և մերժի նախկին քաղաքական համակարգը, որի անբաժանելի  մաս են նախկին նախագահները և ներկայիս վարչապետը»,- ասել է կուսակցության նախագահ Գուրգեն Սիմոնյանը:

Գուրգեն Սիմոնյանի խոսքով իրենք ունեն բավականին մեծ շանսեր այս ընտրություններում:

«Տարբեր հաշվարկներով հանդիսանում ենք երկրորդ, երրորդ ուժը, որը հավակնում է լինել առաջին ուժը ՀՀ-ում, սակայն իրականում ինչ պատկեր է՝ ցույց կտա հունիսի 7-ը»,- ասել է Գուրգեն Սիմոնյանը:

Քաղաքական այս ուժը բեկումնային փոփոխություն է խոստանում տարբեր ոլորտներում, կարևորելով և առանձնացնելով երկրի անվտանգությանն առնչվող հարցերը:

Քվեաթերթիկում Հայաստանի շնորհապետական կուսակցությունը 4-րդն է: