Հայաստանի շուրջ Արևմուտքի ոչ բարեկամական քայլերը կարող են սրել իրավիճակը․ Վասիլև

Հայաստանի շուրջ արևմտյան երկրների ռազմաքաղաքական ոչ բարեկամական քայլերը կարող են հանգեցնել տարածաշրջանում իրավիճակի սրման։ Այս մասին Սանկտ Պետերբուրգի միջազգային իրավական ֆորումի ժամանակ ասել է ՀԱՊԿ Մշտական խորհրդի գործող նախագահ Վիկտոր Վասիլևը, հաղորդում է «ՌԻԱ Նովոստի»–ն։

«Առանձին պետք է անդրադառնալ Հարավային Կովկասում տիրող իրավիճակին, այդ թվում՝ հաշվի առնելով Հայաստանի ընտրությունները։ «Զանգեզուրի միջանցքի» անվտանգության իբր ապահովման ԱՄՆ ծրագրերը, ինչպես նաև այս տարածաշրջանում այլ ոչ բարեկամական քայլերը կհանգեցնեն իրավիճակի հետագա սրման։ Մենք իրավիճակը վերահսկողության տակ ենք պահում»,-ասել է նա։