Հայաստանն առաջին անգամ արտահանել է բազմամիլիոն դոլար արժողությամբ հայկական արտադրության զենք

ՀՀ բարձր տեխնոլոգիական արդյունաբերության նախարար Մխիթար Հայրապետյանը  ֆեյսբուքյան իր էջում տեղեկացրել է, որ Հայաստանն առաջին անգամ արտահանել է բազմամիլիոն դոլար արժողությամբ հայկական արտադրության զենք։

«Մի քանի տարի առաջ դժվար կլիներ պատկերացնել, որ Հայաստանը կդառնա զենք արտահանող երկիր։ Վերջին ամիսներին ես բազմիցս իմ հրապարակային ելույթներում և հարցազրույցներում նշել եմ, որ մի քանի տեղական արտադրողներ՝ հայկական ընկերություններ, ստացել են զենքի արտահանման թույլտվություններ։ Եվ հիմա, մեծ ուրախությամբ և հպարտությամբ, ուզում եմ  ձեզ հայտնել, որ մայիսին երեք հայկական ընկերություններ զենք են արտահանել երկու տարբեր երկրներ։ Բավականաչափ բարդ, խրթին լոգիստիկ ճանապարհներ հաղթահարելով՝ հայկական ընկերությունները, ի վերջո, կարողացան հասնել իրենց նպատակին։

Ես ուզում եմ ասել , որ սա հանդիսացել է Հայաստանի կառավարության երազանքը և ռազմավարական առաջնահերթություններից մեկն է: Եվ սրա համար ՀՀ կառավարությունը կատարել է միլիարդավոր դրամների ներդրումներ և ապագայում ևս պատրաստվում է կատարել:», - ասել է  Հայրապետյանը։