ՆԳՆ Ոստիկանության և Փրկարար ծառայության աշխատակիցները Քաղաքացու օրվան նվիրված միջոցառումների ընթացքում իրականացրել են արտակարգ ռեժիմով ծառայություն: Համայնքային և Քրեական ոստիկանությունների, Պարեկային ծառայության և Ոստիկանության գվարդիայի ծառայողները իրականացրել են հասարակական կարգի պահպանություն և հասարակական անվտանգության ապահովմանն ուղղված միջոցառումներ, իսկ ՆԳՆ փրկարար ծառայության աշխատակիցներն իրականացրել են հերթապահություն, այս մասին հրապարակում է կատարել ՀՀ Ներքին գործերի նախարարության մամլո ծառայությունը:

Միջոցառումների օրերին, այդ թվում՝ ապրիլի 23-ի Ջահերով երթի և ապրիլի 24-ի Ծիծեռնակաբերդի արարողությունների ժամանակ, ինչպես նաև տասնյակ հազարավոր քաղաքացիների մասնակցությամբ այլ միջոցառումների ընթացքում որևէ լուրջ միջադեպ կամ պատահար չի արձանագրվել։

ՆԳՆ-ից հայտնում են, որ ծառայությունների համակարգված աշխատանքի շնորհիվ միջոցառումները անցել են անվտանգ պայմաններում՝ առանց խախտումների։ Նախարարությունը շարունակելու է աշխատանքները՝ ուղղված ծառայությունների կատարելագործմանը և քաղաքացիների ու զբոսաշրջիկների անվտանգության ապահովմանը։