Հայաստանում կներդրվեն վեճերի լուծման լավագույն միջազգային փորձը. ԱՆ տեղակալն ընդունել է ADB-ի և SIMC-ի պատվիրակությանը

 ՀՀ արդարադատության նախարարի տեղակալ Տիգրան Դադունցն ընդունել է Ասիական զարգացման բանկի (ADB) և Սինգապուրի միջազգային հաշտարարության կենտրոնի (SIMC) պատվիրակությանը: Այս մասին հայտնում է ՀՀ արդարադատության նախարարության մամուլի ծառայությունը։

Բարձրաստիճան պատվիրակության կազմում եղել են՝

• Սիբեշ Բհատաչարյան — ԱԶԲ-ի Հայաստանյան գործառնությունների ղեկավար,

• Քրիստինա Պակ — ԱԶԲ գլխավոր խորհրդատուի տեղակալ,

• Նարինե Ավետիսյան — ԱԶԲ մասնավոր հատվածի զարգացման գծով գլխավոր մասնագետ,

• Ջորջ Լիմ — Սինգապուրի հաշտարարության միջազգային կենտրոնի նախագահ,

• Չուան Վի Մենգ — Սինգապուրի հաշտարարության միջազգային կենտրոնի գործադիր տնօրեն:

Հանդիպման ընթացքում կողմերը քննարկել են ապագա համագործակցության հեռանկարները և համատեղ իրականացվելիք նախագծերը: Տիգրան Դադունցը բարձր է գնահատել միջազգային գործընկերների դերը Հայաստանում վեճերի լուծման այլընտրանքային եղանակների (ADR) զարգացման գործում, ինչի շնորհիվ արդեն իսկ արձանագրվել է դատարանների ծանրաբեռնվածության էական նվազում:

Քննարկումների առանցքում եղել են երկու հիմնական ուղղություններ.

1.  Անդրադարձ է կատարվել Հայաստանի քայլերին այս ուղղությամբ, ինչը մեծ նշանակություն կունենա միջազգային առևտրային հաշտության համաձայնությունների ճանաչման և ներդրումային միջավայրի բարելավման համար։

2.  Հաշտարարների շարունակական կրթությանն ուղղված գործակցություն։ Ակնկալվում է, որ շուտով մի շարք հայ հաշտարարներ կստանան միջազգային որակավորում:

Այս համագործակցությունը նոր հորիզոններ է բացում Հայաստանում արբիտրաժի և հաշտարարության ինստիտուտների զարգացման համար՝ բարձրացնելով արդարադատության համակարգի արդյունավետությունը։