Հայկական ձեռնարկություններում «Ռոսսելխոզնադզոր»-ի հետ համատեղ իրականացված ստուգումներն ավարտվել են. ՍԱՏՄ

ՀՀ սննդամթերքի անվտանգության տեսչական մարմնի (ՍԱՏՄ) և ՌԴ «Ռոսսելխոզնադզոր»-ի պատվիրակության ներկայացուցիչները քննարկել են մայիսի 20-27-ը հայկական ընկերություններում իրականացված համատեղ ստուգումների արդյունքները։

Այս մասին հայտնում է ՍԱՏՄ մամուլի ծառայությունը։

Հանդիպման ընթացքում «Ռոսսելխոզնադզոր»-ի պատվիրակության ղեկավար Ալեքսեյ Շչեգլովը շնորհակալություն է հայտնել հայ գործընկերներին համատեղ աշխատանքի համար:

Կառույցից հայտնում են, որ իրականացված ստուգումների վերաբերյալ ամփոփ տեղեկատվությունը կհրապարակվի օրեր անց։

 Մինչ պաշտոնական ամփոփումը, երկու երկրների վերահսկող մարմինների միջև պայմանավորվածություն է ձեռք բերվել առավել հետևողականորեն իրականացնել սահմանային վերահսկողական միջոցառումները։ Նպատակն է ապահովել, որ հայ արտադրողների համար գլխավոր սպառման շուկա համարվող Ռուսաստանի Դաշնություն արտահանվի բացառապես Եվրասիական տնտեսական միության (ԵԱՏՄ) տեխնիկական կանոնակարգերին և պահանջներին համապատասխանող արտադրանք։