Հայրենական մեծ պատերազմի քանի՞ վետերան է ապրում Հայաստանում

Հայաստանում Հայրենական մեծ պատերազմի 27 վետերան է ապրում։ ԶԼՄ-ներին այս մասին հայտնել է Մարշալ Բաղրամյանի անվան վետերանների միավորման փոխնախագահ Ելենա Շուվաևան։

 

Նրա խոսքով՝ առողջական վիճակի պատճառով ոչ բոլորը կկարողանան մասնակցել տոնական միջոցառումներին։

 

Հաղթանակի տոնի առթիվ կազմակերպությունը նախատեսում է մի շարք միջոցառումներ անցկացնել Երևանում։ Միավորման ներկայացուցիչները ծաղիկներ կխոնարհեն Հաղթանակի զբոսայգու Անմար կրակի մոտ, իսկ այնուհետև կմիանան «Անմահ գնդի» երթին։