Հայրենական մեծ պատերազմին մասնակցել է Հայկական ԽՍՀ բնակչության ընդհանուր 20%-ը

Այս պահին Հայաստանում բնակվում է Հայրենական մեծ պատերազմի 27 վետերան, սակայն առողջական պատճառներով նրանցից ոչ բոլորն են մասնակցելու Հայրենական մեծ պատերազմում հաղթանակի 81-ամյակի հիշատակի միջոցառումներին։

Հայրենական մեծ պատերազմում հաղթանակի 81-ամյակի առրթով նախատեսվում է մի շարք միջոցառումներ անցկացնել Երևանում: Մասնավորապես ծաղիկներ կդրվեն Հաղթանակի այգում գտնվող Հավերժական կրակի մոտ: 

Այս տարի  ավանդաբար կկայանա«Անմահ գունդ» երթը։ Մասնակիցները մայիսի 9- ժամը 12:00-ին կհավաքվեն Արաբկիրի Սուրբ Խաչ եկեղեցում և կքայլեն դեպի Հաղթանակի այգում գտնվող Հավերժական կրակ:

Հիշեցնենք, որ պատերազմում ծառայել է 600,000 հայ զինվոր, որոնցից 300,000-ը զոհվել են։ Պատերազմի ընթացքում 107 զինվոր և սպա արժանացել է Խորհրդային Միության հերոսի կոչման։ Հայաստանը նաև ունեցել է 80 գեներալ, 5 մարշալ և մեկ ծովակալ։

 Իվան Բաղրամյանը և Նելսոն Ստեփանյանը երկու անգամ արժանացել են Խորհրդային Միության հերոսի կոչման: Քսանյոթ հայ պարգևատրվել է Փառքի շքանշանով: Պատերազմի ժամանակ Հայաստանը զբաղեցնում է վեցերորդ տեղը ԽՍՀՄ հերոսների թվով: Պատերազմին մասնակցել է Հայկական ԽՍՀ բնակչության ընդհանուր 20%-ը: Այս ցուցանիշը ամենաբարձրերից մեկն է ոչ միայն Խորհրդային Միության հանրապետությունների, այլև Երկրորդ համաշխարհային պատերազմին մասնակցած այլ երկրների շրջանում: