Հենրիխ Մխիթարյանը մեկ տարով երկարաձգել է պայմանագիրն  ակումբի հետ

Հայաստանի ֆուտբոլի ազգային թիմի լավագույն ռմբարկու ու Միլանի «Ինտեր»-ի կիսապաշտպան Հենրիխ Մխիթարյանը մեկ տարով երկարաձգել է պայմանագիրն  ակումբի հետ:

 Իտալական գրանդի մամուլի ծառայության փոխանցմամբ՝ ակումբի ղեկավարությունն ու փորձառու ֆուտբոլիստը հաջողությամբ ավարտել են բանակցությունները և համաձայնության են եկել նոր պայմանագրի շուրջ։

 Նոր պայմանագիրը նախատեսված է մինչև 2027 թվականը, տեղեկացնում է Արմսպորտ-ը ։

«Ինտերն» ուրախ է հայտնել, որ համաձայնության է հասել Հենրիխ Մխիթարյանի պայմանագիրը երկարաձգելու հարցում»,- ասված է միլանյան ակումբի տարածած պաշտոնական հայտարարության մեջ։