ՀՀ նախագահի աշխատակազմն ուղղում է վրիպակը. 44-օրյա պատերազմի զոհերի թիվը 3755 է

 Պրահայի ՑԵՎՌՈ (CEVRO) համալսարանում ունեցած ելույթի ընթացքում Հանրապետության նախագահ Վահագն Խաչատուրյանը, հնչեցնելով 44-օրյա պատերազմում զոհերի թիվը, սխալմամբ նշել է 4800։

Նախագահի աշխատակազմի հասարակայնության հետ կապերի վարչության պետ Աղասի Մարգարյանը պարզաբանել է, որ տեղի է ունեցել վրիպակ, և ներողություն խնդրելով սխալի համար՝ հստակեցրել, որ 44-օրյա պատերազմում զոհերի իրական թիվը 3755 է։ Հիշեցնենք, որ ՀՀ նախագահ Վահագն Խաչատուրյանը պաշտոնական այցով Պրահայում էր գտնվում սեպտեմբերի 2-ից 4-ը։