Տեղի է ունեցել Հայաստանի վարչապետի և Ադրբեջանի նախագահի հեռախոսազրույցը

Հայաստանի Հանրապետության վարչապետ Նիկոլ Փաշինյանն օգոստոսի 8-ին հեռախոսազրույց է ունեցել Ադրբեջանի Հանրապետության նախագահ Իլհամ Ալիևի հետ։

Զրույցի ընթացքում երկրների ղեկավարները մտքեր են փոխանակել 2025 թվականի օգոստոսի 8-ին Վաշինգտոնում ԱՄՆ նախագահ Դոնալդ Թրամփի աջակցությամբ կայացած Խաղաղության գագաթնաժողովի առաջին տարեդարձի կապակցությամբ։ Հիշարժան այդ գագաթնաժողովի ընթացքում Հայաստանի և Ադրբեջանի միջև հաստատվել էր խաղաղություն, ինչպես նաև նախաստորագրվել էր երկու պետությունների միջև խաղաղության համաձայնագրի տեքստը։

Զրուցակիցները հատկապես ընդգծել են ԱՄՆ նախագահ Դոնալդ Թրամփի և Միացյալ Նահանգների կառավարության առանցքային դերակատարումը խաղաղության գործընթացի առաջմղման և պատմական համաձայնությունների ձեռքբերման գործում։

 

Երկրների ղեկավարները գոհունակությամբ արձանագրել են վերջին մեկ տարվա ընթացքում Հայաստանի և Ադրբեջանի միջև հարաբերությունների կարգավորման ուղղությամբ գրանցված շոշափելի առաջընթացը։

Հեռախոսազրույցի ընթացքում առանձնակի շեշտադրվել է երկու երկրների միջև առևտրատնտեսական կապերի զարգացումը՝ որպես հաստատված խաղաղության գործնական և շոշափելի արդյունք։ Այս համատեքստում կողմերը նշել են․

Կողմերը մտքեր են փոխանակել նաև TRIPP երթուղու գործարկման և հետագա իրականացման ընթացքի շուրջ՝ համաձայն վաշինգտոնյան գագաթնաժողովի ժամանակ ձեռք բերված պայմանավորվածությունների։

Եզրափակելով զրույցը՝ Նիկոլ Փաշինյանը և Իլհամ Ալիևը վերահաստատել են իրենց հանձնառությունը՝ շարունակելու հետևողական ջանքերը խաղաղության գործընթացի խորացման, ինչպես նաև տարածաշրջանում տևական խաղաղության, կայունության, կապակցվածության և լայնամասշտաբ տնտեսական համագործակցության ապահովման ուղղությամբ։