ՀՀ ԶՈՒ հավաքականը Նիդերլանդներում կմրցի Գերմանիայի, Իսպանիայի և Իռլանդիայի թիմերի հետ

ՀՀ ԶՈՒ ֆուտբոլի հավաքականը մեկնել է Նիդերլանդների Թագավորություն՝ մասնակցելու 2027 թվականին ԱՄՆ-ում կայանալիք զինվորականների համաշխարհային խաղերի ֆուտբոլի առաջնության որակավորման առաջնությանը: 

Պաշտպանության նախարարության հաղորդմամբ՝ ՀՀ ԶՈՒ թիմը ընդգրկվել է մեկ խմբում Գերմանիայի, Իսպանիայի և Իռլանդիայի զինված ուժերի հավաքականների հետ։

Հանդիպումները կանցկացվեն հետևյալ ժամանակացույցով.

• մարտի 23-ին՝ Հայաստան – Իռլանդիա
• մարտի 24-ին՝ Հայաստան – Գերմանիա
• մարտի 26-ին՝ Հայաստան – Իսպանիա

Նշվում է, որ մարտի 27-ին կկայանան կիսաեզրափակիչ և եզրափակիչ հանդիպումները։