Հիմնանորոգվում է Սևան-Մարտունի-Վարդենիս-ՀՀ սահման ավտոճանապարհի մի հատվածը

ՀՀ պետական բյուջեի միջոցներով հիմնանորոգվում է Մ-10՝ Սևան-Մարտունի-Վարդենիս-ՀՀ սահման միջպետական նշանակության ավտոճանապարհի 9 կիլոմետրանոց հատվածը (կմ95+200 - կմ104+200): Այն անցնում է Վարդենիսի տարածաշրջանով և Վարդենիս համայնքով:

«Ճանապարհային դեպարտամենտ» հիմնադրամի տեղեկացմամբ՝ շինարարն այս պահին իրականացնում է հողային պաստառի կառուցման աշխատանքներ, ինչպես նաև մեկնարկել է ասֆալտբետոնե ծածկի տեղադրումը: Նախագծի համաձայն՝ ճանապարհին կտեղադրվի եռաշերտ ասֆալտբետոնե ծածկ, ինչպես նաև կիրականացվեն բարեկարգման այլ աշխատանքներ: