Հունիսի 20-ին սպասվում են տարվա ամենաբարձր ջերմաստիճանները. Լևոն Ազիզյան

Աստղագիտական ամռան նախօրեին՝ հունիսի 20-ին, Հայաստանի մի շարք շրջաններում սպասվում են ընթացիկ տարվա ամենաբարձր ջերմաստիճանները: Այս մասին «Ֆեյսբուք» սոցիալական ցանցի իր էջում կատարած գրառմամբ տեղեկացրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը:

Օդերևութաբանական կանխատեսումների համաձայն՝ ջերմային ֆոնի կտրուկ բարձրացում է սպասվում հատկապես հանրապետության ցածրադիր գոտիներում։

«Հունիսի 20-ին Արարատյան դաշտում և Երևանում կգրանցվեն մինչ այդ 2026 թվականի ընթացքում դիտված առավելագույն ջերմաստիճանները։ Օդի ջերմաստիճանը ցերեկային ժամերին կհասնի +35․․․+37°C-ի»,- նշված է ՊՈԱԿ-ի ղեկավարի գրառման մեջ։

Լևոն Ազիզյանի փոխանցմամբ՝ սպասվող անոմալ շոգ եղանակը պայմանավորված կլինի հարավ-արևմուտքից հանրապետության տարածք տաք օդային զանգվածների ներթափանցմամբ։