ՀՊՄՀ-ում ավելի քան 5,3 մլն դրամի յուրացման գործով գործը ուղարկվել է դատարան
Մանկավարժական համալսարանի պաշտոնատար անձինք չարաշահել են իրենց լիազորությունները, կատարել ավելի քան 5 մլն ՀՀ դրամի հափշտակություն. պատճառված վնասն ամբողջությամբ վերականգնվել է
ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ Խաչատուր Աբովյանի անվան հայկական պետական մանկավարժական համալսարանի «Շախմատ գիտահետազոտական ինստիտուտ» հիմնարկի մասնագետը, չարաշահելով պաշտոնեական լիազորությունները, հափշտակել է ընդհանուր 5.336.916 ՀՀ դրամ գումար,այս մասին հայտնում է ՀՀ Հակակոռուպցիոն կոմիտեն։
Քննությամբ պարզվել է, որ ինստիտուտի տնօրենը, տեղյակ լինելով աշխատակցի աշխատանքի չհաճախելու մասին, պաշտոնական փաստաթղթերում կեղծ տվյալներ է ներառել նրա ներկայության վերաբերյալ՝ նպաստելով աշխատավարձի վճարմանը։ Միևնույն ժամանակ, համալսարանի պրոռեկտորը միջոցներ չի ձեռնարկել աշխատակցի կարգավիճակը դադարեցնելու ուղղությամբ։
Նշված անձանց մեղադրանքներ են առաջադրվել Քրեական օրենսգրքի մի շարք հոդվածներով։ Նախաքննության ընթացքում ամբողջությամբ վերականգնվել է պետությանը պատճառված վնասը։ Վարույթի նյութերը մեղադրական եզրակացությամբ ուղարկվել են դատարան։
Կարդացեք նաև
Հայաստան29 մայիսի 2026
Քննարկվել են Հանրապետության հրապարակի և Օպերային թատրոնի 100-ամյակների միջոցառումների առաջարկները
Ներկաներն արձանագրել են, որ հաշվի առնելով կառույցների պետական ու պատմամշակութային բացառիկ դերը, միջոցառումների մեկտեղումը լիովին հնարավոր է՝ կախված ծրագրերի բովանդակությունից։
Հայաստան29 մայիսի 2026
«Ուժեղ Հայաստան» դաշինքի հետ կապված ձայնագրությունները մտացածին են. Մելոյան
Նախաքննական մարմինը նոր ձայնագրություն է հրապարակել։
Հայաստան29 մայիսի 2026
Հանրապետության տոնի առթիվ ՔԿ նախագահի հրամանով մի շարք ծառայողներ պարգևատրվել են
Այս մասին հայտնում են գերատեսչության մամուլի ծառայությունից։