Իջևանից 14 կմ հյուսիս 2.4 մագնիտուդով երկրաշարժ է գրանցվել

Հուլիսի 2-ին՝ տեղական ժամանակով ժամը 19:05-ին, Հայաստանում՝ Իջևան քաղաքից 14 կմ հյուսիս, գրանցվել է 2.4 մագնիտուդով երկրաշարժ, որի օջախը գտնվել է 10 կմ խորության վրա: Այս մասին հայտնում է ՀՀ ՆԳՆ փրկարար ծառայությունը։

Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը 2-3 բալ ուժգնությամբ զգացվել է Տավուշի մարզի Իջևան քաղաքում, ինչպես նաև Աչաջուր, Խաշթառակ և Սևքար գյուղերում։