Իմ կինը «Հայփոստ»–ի պատմության մեջ ամենացածր աշխատավարձ ստացող տնօրենն է. Կոնջորյան
Երբ նա նշանակվել է տնօրեն, դրանից առաջ տնօրենները ստացել են էականորեն ավելի բարձր աշխատավարձ
ԱԺ «Հայաստան» խմբակցության պատգամավոր Ագնեսա Խամոյանը, դիմելով ԱԺ նախագահի տեղակալի թեկնածու Հայկ Կոնջորյանին, հարց ուղղեց նրա կնոջ աշխատավարձի վերաբերյալ:
«Իմ կինը Հայփոստի պատմության մեջ ամենացածր աշխատավարձ ստացող տնօրենն է: Երբևէ Հայփոստի պատմության մեջ չի եղել տնօրեն, որ ստանա էնքան աշխատավարձ, ինչքան՝ իմ կինը: Երբ նա նշանակվել է տնօրեն, դրանից առաջ տնօրենները ստացել են էականորեն ավելի բարձր աշխատավարձ»,- պատասխանեց Կոնջորյանը։
Խամոյանն արձագանքեց. «Հայփոստը 2020-ից է պետական կառավարման հանձնվել, մինչև դա եղել է մասնավոր ընկերություն, կարող էին հարյուր հազար դոլար աշխատավարձ տալ: Հիմա խոսքը պետական կառավարման հանձնված ընկերության մասին է ու խոսքը 118 հազար դոլարի մասին է»: Կոնջորյանը պատասխանեց. «Հայփոստը հանձնված չի եղել մասնավոր ընկերության, եղել է հավատարմագրային կառավարման ներքո, երկրորդը, Հայփոստը հարյուր տոկոսով ինքնաֆինանսավորվող կառույց է: Իմ կինն ու մյուս աշխատակիցները պետբյուջեից երբևէ աշխատավարձ չեն ստացել»:
Կարդացեք նաև
Քաղաքականություն3 օգոստոսի 2026
«Իրանի ղեկավարությունն անհավանականորեն երկերեսանի է». Թրամփ
Թրամփի խոսքով՝ իրանական կողմն մի կողմից բանակցություններ է խնդրում, մյուս կողմից՝ հրապարակավ հերքում դրանց անցկացման փաստը։
Քաղաքականություն3 օգոստոսի 2026
Մեր զեկույցում կա, թե ինչու պարտվեցինք պատերազմում, պետք է պարզապես կարդալ. Անդրանիկ Քոչարյան
Անդրանիկ Քոչարյանն ընդգծել է, որ քննիչ հանձնաժողովը հսկայական աշխատանք է կատարել, լսել է բազմաթիվ անձանց՝ ընդհուպ մինչև վարչապետին, և արված տեսագրություններն ու նյութերը պարունակում են առանցքային տեղեկատվություն:
Քաղաքականություն3 օգոստոսի 2026
Ավետիք Չալաբյանի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին
Իրավապահ մարմնի պնդմամբ՝ հանդիպման նպատակն է եղել խոչընդոտել 2026 թվականի հունիսի 7-ին կայացած խորհրդարանական ընտրություններում ՀՀ քաղաքացիների ընտրական իրավունքի ազատ իրականացմանը: