Իրան-ԱՄՆ լարված հարաբերությունները չեն անդրադառնա TRIPP ծրագրի վրա

ՔՊ խմբակցության պատգամավոր Սարգիս Խանդանյանը հայտարարել է, որ TRIPP ծրագրի շուրջ Հայաստանի և Իրանի տեսակետները համընկնում են։ Նա կարծիք է հայտնել, որ Իրան-ԱՄՆ լարված հարաբերություններն  այս ծրագրի կյանքի կոչման գործում որևէ կերպ չեն անդրադառնա։

Ինչ վերաբերվում է TRIPP ծրագրի շրջանակներում երկաթգծի կառուցման հարցին, Սարգիս Խանդանյանն ասել է, որ այս հարցը որևէ առնչություն չունի ԱՄՆ-Իրան լարված հարաբերությունների հետ։

Նա ասել է, որ, երկաթգծի հարցը օրակարգում է․

«Այս պահին ուսումնասիրվում է տեղանքը, դրա իրագործելիությունը, և երբ ուսումնասիրություններն ու տեխնիկական զննություններն ավարտվեն, կսկսվի շինարարությունը։ Ես այստեղ քաղաքական խոչընդոտ չեմ տեսնում»,-հավելել է  Խանդանյանը։