Իսակով-Արշակունյաց ճանապարհային հանգույցի կառուցման ծրագրի իրագործման մեկնարկը տրված է

Երևանի քաղաքապետարանը ՀՀ կառավարության համաֆինանսավորմամբ և Ասիական զարգացման բանկի (ԱԶԲ) վարկային միջոցներով իրականացնում է Իսակով-Արշակունյաց ճանապարհահատվածի կառուցման ծրագիրը:

Տեղի է ունեցել պաշտոնական արարողություն, որի ընթացքում կողմերի միջև ստորագրվել է  տեխնիկական վերահսկողության և խորհրդատվական ծառայությունների պայմանագիրը: Օրերս նաև ստորագրվել էր շինարարական աշխատանքների պայմանագիրը:

 Ճանապարհային այս հանգույցի կառուցման նպատակը Երևանի երթևեկության ծանրաբեռնվածության նվազեցումն է:

Ճանապարհի ընդհանուր երկարությունը մոտ 2 կմ է: Այս խոշոր ենթակառուցվածքային ծրագրում ներառված է նաև Հրազդան գետի վրա ավելի քան 250 մետր երկարությամբ երկաթբետոնե կամրջի կառուցումը: